Hvernig á tryggja að gervigreind finni og skilji vefinn? Svona fór Visit Iceland að.

Við uppfærðum vef Visit Iceland með það að markmiði að hámarka sýnileika efnisins í nýju landslagi gervigreindar – þar sem lausnir á borð við ChatGPT og Claude móta upplýsingaleit hjá notendum .

Maður í dökkbláum skyrtu með hnöppum stendur með krosslagða hendur á hvítum bakgrunni og sýnir sjálfstraust og íhugullegt svipbrigði.

JÓN LORANGE

Kona í svörtum jakka og hvítri skyrtu stendur örugg við einfaldan bakgrunn, brosandi lítillega, með hendurnar í vösunum.

FANNEY VILHJÁLMSDÓTTIR

Gervigreindarlausnir á borð við ChatGPT og Claude eru gjörbylta því hvernig fólk leitar að og finnur upplýsingar. Fyrir Visit Iceland, sem miðlar upplifun og upplýsingum um Ísland til ferðamanna um allan heim, kallaði þessi þróun á nýja og markvissa nálgun.

Í náinni samvinnu við Íslandsstofu réðumst við í heildstæða GEO- og AEO-greiningu (Generative Engine Optimization & Answer Engine Optimization). Markmiðið var skýrt: að gera allt efni vefsins bæði aðgengilegra og skiljanlegra – jafnt fyrir hefðbundnar leitarvélar og nýjustu gervigreindarkerfin.

Meira efni sýnilegt vélum strax

Á eldri vef var stór hluti efnisins ekki aðgengilegur beint í hráum HTML-kóða. Með tæknilegum endurbótum tryggðum við að skriðlar (e. crawlers) og AI-vélar fái óhindraðan aðgang að textanum:

Munurinn er gríðarlegur:

  • Lesanlegur texti í hráu HTML fór úr 72 orðum í 885 orð.
  • Á 476 sambærilegum síðum fór heildarmagn lesanlegs texta úr 38.859 orðum í 471.086 orð.

Allur sá dýrmæti fróðleikur sem Visit Iceland býr yfir er nú fullkomlega sýnilegur leitarvélum og gervigreind.

Skýrari strúktúr og betra samhengi

Samhliða opnun efnisins styrktum við uppbyggingu vefsins svo vélar ættu auðveldara með að átta sig á samhengi hlutanna:

  • Structured data (skilgreind gögn) er nú til staðar á 100% mældra síðna.
  • BreadcrumbList: Fór úr 0% í 98%.
  • dateModified (tímasetning uppfærslna): Fór úr 0% í 99%, sem sýnir vélum hversu ferskt efnið er.
  • Fyrirsagnastrúktúr var leiðréttur – hlutfall síðna með nákvæmlega einu H1 fór úr 9% í 100%.
  • Veftré (sitemap) var stækkað úr 440 slóðum í 3.978, sem opnar mun greiðari leiðir fyrir gervigreindarkerfi að kafa dýpra í efnið.

Traustur grunnur – en ekki töfralausn

Það er engin ein tæknileg töfralausn sem tryggir að gervigreind velji Visit Iceland sem sína aðalheimild. Tæknilegar endurbætur opna dyrnar og auka skilning vélanna, en gæði efnisins og framsetning skipta áfram höfuðmáli.

Áframhaldandi árangur byggir á góðu starfi ritstjóra Íslandsstofu: skýrum köflum, beinum svörum við spurningum notenda, góðri tengingu efnis og reglulegum uppfærslum. Nýi tæknilegi grunnurinn tryggir að allt efni fái raunverulegan möguleika á að vera lesið, skilið og miðlað áfram – bæði af fólki og gervigreindarkerfum framtíðarinnar.

Íslandsstofa er þannig búin að ryðja brautina fyrir nýja kynslóð notenda.