Harpa
Um verkefnið
Heimsækja vef
Viðskiptavinur
Harpa ohf.
Okkar hlutverk
Hönnun, bakendaforritun, framendaforritun, Verkefnastjórnun, uppsetning á leitarvél, ráðgjöf og greiningarvinna, CMS uppsetning
Tæknistakkur
Figma, React, Typescript, Gatsby, Prismic, Contentful.
Um verkefnið og markmið þess
Í fyrstu greindu ráðgjafar Júní stafræn tækifæri Hörpu og forgangsröðuðu með tiliti til stefnumótunar og markmiðasetningar. Markmið verkefnisins um nýjan vef tónlistarhússins Hörpu var svo að fanga skapandi og listrænan anda hússins og skapa afburða notendaupplifun frá fyrstu snertingu gesta um Hörpu. Mikil áhersla var lögð á hönnun og faglega framendaforritun en einnig að byggja grunn fyrir komandi stafrænar lausnir og bakendinn útfærður með áframhaldandi þróun á sjálfsafgreiðslulausnum í huga. Verkefnið var unnið í nánu og farsælu samstarfi við starfsfólk Hörpu og auglýsingastofu.
Vefurinn var tilnefndur sem besti opinberi vefur ársins 2021
Áskrift að snilld
Hönnun vefsíðunnar byggir á sögu og sérkennum hússins eins og einkennandi sexstrendingunum (e. quasi brick) sem umlykja bygginguna. Við vildum grípa þessi einkenni og láta þau flæða um vefinn á einstakan hátt. Það endurspeglast meðal annars í formi á myndum, umbroti, litum og fleiru. Við lögðum áherslur á brútalisma í hönnun en á fágaðan hátt í takti við húsið og starfsemi þess.
Vefurinn er upplýsinga-, sölu- og þjónustuvefur þar sem ætlunin er að þjónusta viðskiptavini Hörpu eins vel og kostur er. Vefurinn er miðpunkturinn í stærra verkefni sem snýr að því að bæta og efla heildarupplifun gesta Hörpu með stafrænni tækni þar sem stefnan er að nútímavæða alla þjónustu hússins. Hlutverk vefsins er einnig að einfalda rekstur og auka skilvirkni starfsfólks Hörpu þegar kemur að innsetningu efnis og stofnun nýrra viðburða.
Lærdómur
Það var virkilega skemmtilegt að leysa þetta verkefni með Hörpu. Við lærðum hversu mikilvægt það er fyrir vefþróun, stefnumótun, framtíðarsýn og ásýnd að tala saman en það getur reynst áskorun þegar margir aðilar koma að verkefninu. Gott samtal og gagnsæi eru lykilatriði þegar kemur að þróun verkefna.
Önnur verkefni
