Hönnunarsprettur Júní — þróað og prófað á fjórum dögum
Hönnunarsprettur Júní er fjögurra daga ferli sem ætlað er að taka á því helsta sem kemur upp í stafrænni vöruþróun með hönnun, frumgerð og notendaprófunum.
GUÐMUNDUR SIGURÐSSON
Hvers vegna að taka hönnunarsprett?
Mörg fyrirtæki hafa reynslu af því að verja mánuðum eða jafnvel árum í að þróa og framleiða vöru sem, þegar upp er staðið, skilar ekki þeim árangri sem vonir stóðu til. Svo koma megi í veg fyrir þetta skiptir máli að láta reyna á hugmyndina sem fyrst til að sjá hvort hún uppfylli viðskiptamarkmið fyrirtækisins og mæti þörfum notenda.
Með hönnunarspretti getum við komist að því á aðeins fjórum dögum hvort hugmyndin sé líkleg til að ná settum markmiðum og fengið viðbrögð frá notendum fljótt og örugglega.
Hönnunarsprettur Júní leggur áherslu á stafrænar vörur; vefi og snjallforrit svo dæmi sé tekið, og byggir á hugmyndafræði sem notuð hefur verið með góðum árangri um allan heim til að hámarka gæði og lágmarka áhættu við að þróa vöru og koma henni á markað.
Dagur eitt: Að sjá stóru myndina
Á fyrsta degi skilgreinum við hverjar áskoranirnar eru með aðferð sem hjálpar okkur að koma auga á tækifærin sem leynast í þeim. Einnig setjum við okkur markmið og gerum fyrsta uppkast að notendaflæðinu. Til að komast að niðurstöðu fer fram kosning þar sem allir í teyminu taka þátt.
Verkefni dagsins:
– Fyrstu drög að notendaflæði
– Skrifa, krassa, skissa og teikna
Dagur tvö: Ákvörðun tekin
Nú fá allir í teyminu tækifæri til að fara yfir skissurnar frá því deginum áður og kjósa svo um hvaða hugmynd á að halda áfram með í frumgerð.
Við teiknum upp nákvæmt notendaflæði sem sýnir skref fyrir skref hvernig notandinn fer í gegnum vöruna/þjónustuna.
Verkefni dagsins:
– Kosning á lausnum
– Uppsetning á notendaflæði og kosning
– Söguborð sett upp
Dagur þrjú: Frumgerð á lausn
Á degi þrjú er farið í að vinna frumgerðina. Viðbúið er að mesta vinnan við útfærsluna lendi á einum eða tveimur úr teyminu, en hinir geta aðstoðað eftir þörfum. Ekki er nauðsynlegt að allir í teyminu séu til staðar.
Verkefni dagsins:
– Uppsetning á frumgerð
– Textavinna, myndvinnsla og fleira tilfallandi
Dagur fjögur: Notendaprófanir
Á degi þrjú er farið í að vinna frumgerðina. Viðbúið er að mesta vinnan við útfærsluna lendi á einum eða tveimur úr teyminu, en hinir geta aðstoðað eftir þörfum. Ekki er nauðsynlegt að allir í teyminu séu til staðar.
Verkefni dagsins:
– Uppsetning á frumgerð
– Textavinna, myndvinnsla og fleira tilfallandi
Tökum sprettinn!
Ef þú hefur áhuga á að kynnast fleiri aðferðum eða leita aðstoðar við að framkvæma rannsóknir fyrir þína vöru, ekki hika við að hafa samband við okkur í Júní.